Eraly Lūqpanūly: " ... Memleket basşysy aitqanyndai, bügınde jahandyq ekonomika, halyqaralyq qatynas pen öŋırlık yntymaqtastyqty nyǧaitu sūraqtary kün tärtıbıne şyǧyp otyr. Sol sebeptı, būl mäselelerdıŋ Astana halyqaralyq forumynyŋ basty baǧyttaryna ainaluy zaŋdylyq. Adamzat balasynyŋ ūly igılıgıne ainalǧan, qazaq dalasy üşın maŋyzdy, Täuelsızdıgımızdıŋ tıregı sanalatyn – tatulyq pen bırlık sūraqtary bügınde erekşe qūndylyqtar qataryna şyqty. Eŋ asyl qasietke ainalǧan - bırlık pen tatulyq ūǧymdarynyŋ tübınde senım jatyr. Al, senım – tūraqtylyq bolǧan kezde ǧana saltanat qūratyny sözsız. Sondyqtan da, tatulyǧy myǧym, senımı berık memleketke ǧana investorlar keledı. Al, investisiia ekonomikanyŋ ajyramas bölıgı ekenı belgılı.
Qasym-Jomart Kemelūly atap ötkendei, bügıngıdei dünie jüzın qaqtyǧystar men soǧys örtı jailaǧan uaqytta, adamzat balasy ruhani qūldyrap ǧana qoimai, ekonomikalyq şyǧynǧa da ūşyrap otyr. Osylaişa, adamzat balasyn tyǧyryqqa tıregen «belgısızdıktıŋ» şyrmauynan qalai şyǧamyz degen oi forumǧa qatysuşylardyŋ negızgı sūraǧyna ainaldy. Halyqaralyq sarapşylar biık mınberden alda qandai taŋdau tūr, qaltarystardan «ysylyp» şyǧamyz ba, älde, «qysylyp» şyǧamyz ba? , degen sūraqtardy özara talqyǧa salyp jatty. Būl jiyn älemnıŋ tükpır-tükpırınen kelgen sarapşy-mamandardy bır alaŋda toǧystyryp, erkın pıkır almasuǧa mümkındık jasaityn bıregei platformaǧa ainalyp otyr. Jahandyq jaŋa terminge ainalǧan jasandy intellekten bastap, kreativtı industriiamyz, ekonomikanyŋ jaŋa sektorlaryn damytu t.s. adamzat balasy üşın özektı sūraqtardyŋ basqa emes, öz elımızde – Astanamyzda talqylanyp jatqany erekşe maŋyzǧa ie. Tarihqa şegınıs jasasaq, eldıŋ jaqsylary, şeşenderı, oişyldary jinalyp, äŋgıme-düken qūryp kelelı sūraqtardy kün tärtıbıne şyǧaryp, şeşu joldaryn el bolyp, ūlt bolyp talqylap, oilastyryp otyrǧan. Mūndai ırgelı kezdesuler men kelelı jiyndar ata- babamyz salǧan sara joldy jaŋǧyrtyp ǧana qoimai, ūrpaqtar sabaqtastyǧyna jaŋa serpın bererı sözsız, - delıngen jazbada.