Premer-ministrdıŋ orynbasary – mädeniet jäne aqparat ministrı Aida Balaevanyŋ töraǧalyǧymen Turizm salasyn damytu mäselelerı jönındegı üilestıru keŋesınıŋ alǧaşqy otyrysy öttı. Keŋes 2026 jylǧy säuırde turizm salasyndaǧy ortalyq memlekettık organdardyŋ, biznes ökılderı men sarapşylar qauymdastyǧynyŋ jūmysyn üilestıretın tūraqty vedomstvoaralyq alaŋ retınde qūrylǧan.
Otyrysqa Turizm jäne sport, Ekologiia jäne tabiǧi resurstar, Sifrlyq damu, innovasiialar jäne aeroǧaryş önerkäsıbı ministrlıkterınıŋ, jergılıktı atqaruşy organdardyŋ, sondai-aq biznes-qoǧamdastyqtyŋ ökılderı qatysty.
Üilestıru keŋesınıŋ basty maqsaty – saladaǧy jüielı kedergılerdı joiu, naqty qoldanbaly şeşımder äzırleu jäne turizm baǧytyndaǧy jobalardyŋ ıske asyryluyn jedeldetu. Keŋestıŋ qūryluy turizm salasyn keşendı basqaru qajettılıgınen tuyndap otyr. Öitkenı būl baǧyt infraqūrylym, investisiia, kölık, ekologiia, vizalyq-köşı-qon retteuı jäne sifrlandyru siiaqty özara bailanysty bırneşe salany qamtidy.
Jiyn barysynda turizm jäne sport vise-ministrı Bauyrjan Rapikov Turistık salany damytudyŋ 2029 jylǧa deiıngı tūjyrymdamasyn ıske asyru jönındegı jaŋartylǧan ıs-qimyl josparyn tanystyrdy. Qūjatta alty negızgı baǧyt boiynşa 61 ıs-şara qarastyrylǧan. Olardyŋ qatarynda infraqūrylymdy damytu, investisiialyq ahualdy jaqsartu, turistık önımderdı qalyptastyru jäne salany ılgerıletu mäselelerı bar.
Otyrysta halyqaralyq qonaqüi brendterınıŋ Qazaqstan naryǧyndaǧy ülesın arttyru jäne elımızdıŋ turistık äleuetın şeteldık naryqtarda jüielı türde ılgerıletu mäselelerıne erekşe nazar audaryldy. Sonymen qatar avtoturizm, at turizmı, gastronomiialyq turizm jäne MICE-turizm siiaqty baǧyttardy damytu, ıs-şaralar küntızbesın jetıldıru jäne vizalyq saiasatty oŋtailandyru mäselelerı qaraldy.
Būdan bölek, aŋşylyq turizmnıŋ äleuetı men onyŋ damuyna kedergı keltırıp otyrǧan faktorlar talqylandy. Ūlttyq parkterdegı ekoturizmdı damytu, turistık jüktemenı retteu, sondai-aq tarihi-mädeni mūra obektılerın turistık ainalymǧa engızu mäselelerı de keŋınen qarastyryldy.
Keŋes qorytyndysy boiynşa Aida Balaeva turizmnıŋ el ekonomikasyn damytuǧa tıkelei yqpal etetın maŋyzdy salalardyŋ bırı ekenın atap öttı. Ol öŋırlermen özara jūmysty küşeitudı, är oblystyŋ erekşelıgın, turistık äleuetın jäne infraqūrylymdyq mümkındıkterın eskere otyryp, naqty ärı egjei-tegjeilı josparlar äzırleudı tapsyrdy.
Ükımet basşysynyŋ orynbasary arheologiialyq eskertkışter men jekelegen arheologiialyq aimaqtarǧa airyqşa köŋıl bölu qajettıgın de atap öttı.
@KZgovernment