جارىسقا الىس جانە جاقىن شەتەلدەن التى ەلدىڭ قۇراما كوماندالارى قاتىسادى دەپ كۇتىلۋدە. ءىس-شارا حالىقارالىق ستاندارتتارعا سايكەس حالىقارالىق ات سپورتى فەدەراتسياسىنىڭ (FEI) قولداۋىمەن وتكىزىلەدى.
ءۇش كۇن ىشىندە 60-تان اسا ۇزدىك سپورتشى ءار ءتۇرلى كەدەرگىلەردەن تۇراتىن مارشرۋتتار مەن اتپەن جۇرۋدەن ءوز شەبەرلىكتەرىن كورسەتەدى دەپ جوسپارلانۋدا.
كونكۋر – جىلقىنىڭ جانە شاباندوزدىڭ كەدەرگىلەردەن ءوتۋ قابىلەتىن انىقتايتىن وليمپيادالىق سپورت ءتۇرى. ماقسات – قاشىقتىقتى قاتەلىكسىز ءارى مۇمكىندىگىنشە قىسقا ۋاقىت ىشىندە ەڭسەرۋ.
اتپەن مانەرلەپ ءجۇرۋ – ات سپورتىنىڭ جوعارى دەڭگەيى، مۇندا شاباندوز بەن ات ارنايى ارەنادا دالدىكپەن جانە ۇيلەسىمدىلىكپەن ءتۇرلى قيمىلداردى ورىندايدى.
استانادا الەم كۋبوگىنىڭ كەزەڭىن قازاقستاندا وتكىزۋ ات سپورتىنا دەگەن قىزىعۋشىلىقتىڭ ارتىپ كەلە جاتقانىن كورسەتەدى. بۇل – تەك ەل ءۇشىن عانا ەمەس، بارلىق ات سپورتى جانكۇيەرلەرى ءۇشىن ماڭىزدى سپورتتىق ءىس-شارا بولماق. اۋقىمدى دەڭگەيدەگى جارىستار قازاقستاندىق سپورتشىلارعا ءوز شەبەرلىكتەرىن ارتتىرىپ، شەتەلدىڭ مىقتى شاباندوزدارىمەن باسەكەگە ءتۇسىپ، حالىقارالىق تۋرنيرلەرگە بىلىكتىلىك جولدامالارىن الۋ مۇمكىندىگىن بەرەدى.
ءبىزدىڭ انىقتاما:
2025 جىلعا ارنالعان الەم كۋبوگى كەزەڭدەرىنىڭ ەۋرازيالىق ليگاسى سەگىز كەزەڭنەن تۇرادى: تاشكەنت ق. — 1 (وزبەكستان), تاشكەنت ق. — 2 (وزبەكستان), بىشكەك ق.- 3( قىرعىزستان), استانا ق. — 4 (قازاقستان), تبيليسي ق. — 5 (گرۋزيا), 6-شى تبيليسي ق. (گرۋزيا), 7 — ەرەۆان ق. (ارمەنيا), 8- تەگەران ق. (يران). ەۋرازيالىق الەم كۋبوگى كەزەڭدەرى ليگاسىنىڭ «Grand Prix» باس مارشرۋتىنىڭ قورىتىندىسى بويىنشا 2025 جىلعى كونكۋر بويىنشا الەم كۋبوگىنىڭ فينالىنا ليتسەنزيا وينالادى.
باق اككرەديتتەۋ: +7 705 185 6366, +7 777 483 9118