كەزدەسۋ بارىسىندا تاراپتار قۇرىلىس، ونەركاسىپ، تۋريزم جانە قوناق ءۇي بيزنەسى سالاسىنداعى ءوزارا ءتيىمدى ىنتىماقتاستىقتىڭ بولاشاعىن تالقىلادى.
دارحان ساتىبالدى الماتىنىڭ قازاقستانداعى ينۆەستيتسيالىق تارتىمدىلىعى جوعارى شاھاردىڭ ءبىرى بولىپ قالا بەرەتىنىن اتاپ ءوتتى. قالا تۇراقتى ەكونوميكالىق ءوسىمدى كورسەتىپ، كاسىپكەرلىككە قولايلى جاعداي ۇسىنىپ وتىر.
ء"بىز قالانىڭ ينفراقۇرىلىمىن دامىتۋعا جانە جاڭا جۇمىس ورىندارىن اشۋعا ۇلەس قوساتىن جاڭا جوبالاردى قاراستىرۋعا دايىنبىز. الماتى ينۆەستورلارعا اشىق ءارى تۇراقتى دامۋ جولىن ۇسىنادى", - دەدى قالا اكىمى.
1989 جىلى قۇرىلعان Azizi Group كومپانياسى بۇگىندە ءباا جىلجىمايتىن مۇلىك نارىعىنداعى ءىرى دەۆەلوپەرلەردىڭ ءبىرى بولىپ سانالادى جانە قازاقستان اۋماعىندا قىزمەت اياسىن كەڭەيتۋدى جوسپارلاپ وتىر.
اكىمدىكتىڭ ءباسپاسوز قىزمەتى