استانادا «تازا قازاقستان» رەسپۋبليكالىق ەكولوگيالىق اكتسياسى اياسىندا م. گوركي اتىنداعى مەملەكەتتىك اكادەميالىق ورىس دراما تەاترىنىڭ ۇجىمى سەنبىلىك وتكىزىپ، مەكەمە اۋماعى مەن وعان ىرگەلەس كەڭىستىكتە تازالىق جۇمىستارىن ۇيىمداستىردى.
سەنبىلىك بارىسىندا عيمارات ماڭى قوقىستان تازارتىلىپ، اۋماقتى رەتكە كەلتىرۋ، سانيتارلىق تازالاۋ جانە اباتتاندىرۋ جۇمىسى جۇزەگە اسىرىلدى. تەاتر قىزمەتكەرلەرى قورشاعان ورتانىڭ تازالىعىن ساقتاۋعا باعىتتالعان ورتاق ىسكە بەلسەندى اتسالىسىپ، ەلوردانىڭ كوركەيۋىنە ءوز ۇلەستەرىن قوستى.
«م. گوركي اتىنداعى مەملەكەتتىك اكادەميالىق ورىس دراما تەاترى «تازا قازاقستان» اكتسياسىن بەلسەندى قولدادى. تەاتر ۇجىمى ءۇشىن تازالىق پەن قورشاعان ورتاعا قامقورلىق – مادەني-اعارتۋشىلىق ميسسياسىنىڭ ماڭىزدى بولىگى. بۇگىنگى سەنبىلىك ورتاق جاۋاپكەرشىلىك پەن بىرلىكتىڭ كورىنىسى بولدى: قىزمەتكەرلەر تەاتر ءىشىن جانە اينالاسىن رەتكە كەلتىردى» – دەدى م. گوركي اتىنداعى مەملەكەتتىك اكادەميالىق ورىس دراما تەاترى ديرەكتورىنىڭ ورىنباسارى الەكساندرا كۋستوۆسكايا.
بۇل باستاما تەك ءبىر رەتتىك اكتسيا شەڭبەرىندە عانا ەمەس، قوعامدا تازالىق مادەنيەتىن ورنىقتىرۋعا، ەكولوگيالىق جاۋاپكەرشىلىكتى ارتتىرۋعا جانە قورشاعان ورتاعا ۇقىپتى قاراۋ داعدىسىن قالىپتاستىرۋعا باعىتتالعان ماڭىزدى قوعامدىق جۇمىس رەتىندە جالعاسۋدا. تازالىق پەن ءتارتىپتى ساقتاۋ – ورتاق سانا مەن جاۋاپكەرشىلىكتىڭ كورىنىسى.
الداعى كۇندەرى مادەنيەت باسقارماسىنا قاراستى مەكەمەلەردە سەنبىلىكتەر مەن اباتتاندىرۋ جۇمىستارى جالعاسادى. قىزمەتكەرلەر تەاترلار اۋماعىن، تاريحي ەسكەرتكىشتەر مەن مادەنيەت وشاقتارىنىڭ اينالاسىن تازالاۋ جۇمىستارىن كەزەڭ-كەزەڭىمەن جۇرگىزەتىن بولادى.