قاسىم-جومارت توقاەۆ ەممانيۋەل ماكروندى ۇلتتىق مەرەكە - باستيليانى الۋ كۇنىمەن قۇتتىقتادى.
پرەزيدەنتتىڭ ايتۋىنشا، بۇل اتاۋلى كۇن فرانتسۋز حالقىنىڭ بىرلىگىن جانە ەركىندىك پەن تەڭدىك قاعيداتتارىنا بەيىل ەكەنىن ايشىقتايدى.
مەملەكەت باسشىسى قازاقستاننىڭ فرانتسيامەن ستراتەگيالىق سەرىكتەستىكتى ودان ءارى نىعايتۋعا باسا ءمان بەرەتىنىن اتاپ ءوتتى. قاسىم-جومارت توقاەۆ ەكى ەل اراسىنداعى سان قىرلى ىنتىماقتاستىقتىڭ دامۋ قارقىنىنا كوڭىلى تولاتىنىن جەتكىزىپ، قازاق-فرانتسۋز بايلانىستارىنىڭ كەڭەيۋىنە ەممانيۋەل ماكرون ايرىقشا ۇلەس قوسقانىن ايتتى.
پرەزيدەنت فرانتسيا كوشباسشىسىنىڭ جاۋاپتى مەملەكەتتىك قىزمەتىنە تابىس، ال دوستاس ەلدىڭ حالقىنا باق-بەرەكە تىلەدى.