سالتاناتتى شاراعا قر پرەمەر-ءمينيسترىنىڭ ورىنباسارى ەرمەك كوشەرباەۆ، وبلىس اكىمى نۇرلىبەك نالىباەۆ، پارلامەنت سەناتى مەن ءماجىلىسىنىڭ دەپۋتاتتارى ناۋرىزباي بايقاداموۆ، رۋسلان رۇستەموۆ، مارحابات جايىمبەتوۆ، مۇرات ابەنوۆ، مۇرات ەرگەشباەۆ، اكادەميك، جەرلەسىمىز، قازاقستاننىڭ ەڭبەك ەرى اسقار جۇمادىلداەۆ پەن «ساۋتس ويل» مۇناي كومپانياسىنىڭ باسشىسى سەرىكجان سەيتجانوۆ، زيالى قاۋىم وكىلدەرى قاتىستى.
پرەمەر-ءمينيستردىڭ ورىنباسارى ەرمەك كوشەرباەۆ جاڭا عيماراتتا ونەرلى جاستار تاربيەلەنە بەرۋىنە تىلەك ءبىلدىردى.
ايماق باسشىسى ونەر قايراتكەرلەرىنىڭ لايىقتى ءىزىن جالعايتىن ونەر ورداسىنىڭ سىر مادەنيەتىنىڭ قاراشاڭىراعىنا اينالعانىن اتاپ ءوتتى.
"ەلۋ جىلعا جۋىق تاريحى بار قازانعاپ اتىنداعى قىزىلوردا مۋزىكالىق جوعارى كوللەدجى سىر توپىراعىندا ۇرپاقتان ۇرپاققا جالعاسقان مادەني مۇرانىڭ، ۇلتتىق ونەردىڭ كەمەلدەنۋىنە زور ۇلەس قوسىپ كەلەدى.
بۇگىنگە دەيىن وقۋ ورنى تالاپقا ساي كەلمەيتىن ەسكى عيماراتتا قيىندىقتارعا قاراماستان جاستارعا ءبىلىم بەرىپ، ونەرگە باۋلىدى.
جاڭا عيماراتتا ستۋدەنتتەرگە بارلىق جاعداي جاسالعان. ۇلكەن كونتسەرت، بي زالدارى، حور بولمەسى بار.
كەڭ مۋزىكالىق پاندىك كابينەتتەر جاڭا زاماناۋي قۇرال-جابدىقتارمەن قامتىلعان. ماتەريالدىق-تەحنيكالىق بازاسى زامان تالابىنا ساي كەلەتىن 200 ورىندىق جاتاقحانا شالعاي ەلدى مەكەننەن كەلگەن جاس ورەندەردى قابىلداۋعا دايىن.
كۇن سايىن جاڭارىپ، جاسارعان سىر ءوڭىرىنىڭ جاڭا كەلبەتىنە كورىك بەرگەن مۋزىكالىق كوللەدجدىڭ عيماراتىن سالۋعا دەمەۋشىلىك جاساپ، قولداۋ كورسەتكەنى ءۇشىن «ساۋتس-ويل» كومپانياسىنىڭ باسشىسى، ەلىمىزگە بەلگىلى مەتسەنات سەرىكجان سەيتجانۇلىنا بارشا سىر جۇرتشىلىعىنىڭ، ءوزىمنىڭ اتىمنان شىنايى ريزاشىلىعىمدى بىلدىرەمىن.
بۇل ۇلتىمىزدىڭ تاريحي «قازاق» اتاۋىنىڭ قايتارىلعانىنىڭ، قىزىلوردانىڭ قازاق ەلىنىڭ استاناسى بولعانىنىڭ 100 جىلدىق مەرەيتويىنا ۇلكەن تارتۋ بولدى. جاڭا نىسان بارشامىزعا قۇتتى بولعاي!", - دەدى ن.نالىباەۆ.
سالتاناتتى شارادا سەرىكجان سەيتجانوۆ پەن رۋسلان رۇستەموۆ جاڭا عيماراتتىڭ اشىلۋىمەن قۇتتىقتاپ، ىزگى تىلەكتەرىن جەتكىزدى.
ايتا كەتەيىك، پرەزيدەنتىمىزدىڭ «تۋعان جەردى بىرگە تۇلەتەيىك!» ۇندەۋى اياسىندا كاسىپكەر-مەتسەناتتار، قوعامدىق قورلار بۇل باستامانى قولداپ، سىر ءوڭىرىن كوركەيتۋگە ءوز ۇلەستەرىن قوسۋدا. بۇگىندە ايماعىمىزدا دەمەۋشىلىكپەن 55 ملرد. تەڭگەدەن استام قارجىعا جاڭا جوبالار جۇزەگە اسىپ كەلەدى.
مەملەكەت باسشىسىنىڭ تىكەلەي تاپسىرماسىنا سايكەس "قورقىت اتا اۋەجايىنىڭ" جاڭا تەرمينالى اشىلدى. جوبانى ىسكە اسىرۋعا "بولات وتەمۇراتوۆ قورى" 16 ملرد.600 ملن. تەڭگە ينۆەستيتسيا سالدى.
جەرگىلىكتى بيۋدجەتتەن ينجەنەرلىك-كوممۋنيكاتسيالىق ينفراقۇرىلىمعا 4 ملرد. 300 ملن تەڭگە قارجى ءبولىندى. «سامۇرىق قازىنا تراست» قورىمەن بىرگە "ۇستەل تەننيسى ورتالىعى", «قازمۇنايگاز» كومپانياسىنىڭ دەمەۋشىلىگىمەن 350 ورىندىق زاماناۋي ۇلگىدەگى "وقۋشىلار سارايى" سالىنىپ، ەل يگىلىگىنە قىزمەت ەتۋدە.
جەكە ينۆەستورلاردىڭ، «قازاقستان تەمىر جولى» ۇلتتىق كومپانياسىنىڭ قولداۋىمەن تەمىرجول ۆوكزالىنا كۇردەلى جوندەۋ جۇرگىزىلدى.
بيىل "قازاقستان تەمىر جولى" كومپانياسىنىڭ قولداۋىمەن بارلىق اۋدانداعى تەمىرجول ۆوكزالدارى كۇردەلى جوندەۋدەن وتۋدە.
بەلگىلى كاسىپكەر مارات دۇيسەنباەۆتىڭ دەمەۋشىلىگىمەن «اناعا تاعزىم» ورتالىعى سالىنىپ پايدالانۋعا بەرىلدى.
پرەزيدەنتىمىز جاريالاعان «بالالار جىلى» اياسىندا جەرگىلىكتى كاسىپكەرلەردىڭ دەمەۋشىلىگىمەن وبلىسىمىزدا 80 سپورت-ويىن الاڭى سالىندى.
دەمەۋشىلەردىڭ قولداۋىمەن 50-دەن استام ءۇيدىڭ قاسبەتتەرى زاماناۋي پانەلمەن قاپتالدى، اۋلالار اباتتاندىرىلىپ، زاماناۋي سپورت الاڭدارى، تروتۋارلار، جارىق باعانالارى جاڭارتىلدى.
قالا تۇرعىندارى مەن قوناقتارىنىڭ سۇيىكتى دەمالىس ورنىنا اينالعان ورتالىق الاڭ جەرلەسىمىز اسقار اۋباكىروۆتىڭ دەمەۋشىلىگىمەن جاڭعىرتۋدان ءوتتى.
دەمەۋشىلىكپەن جاڭاقورعان اۋدانىندا زاماناۋي دەمالىس پاركى، سىرداريا اۋدانى ناعي ءىلياسوۆ اۋىلىندا «ەڭبەكشىلەر پاركى» بوي كوتەردى.
وسىنداي اباتتاندىرۋ جۇمىستارى بارلىق اۋدان ورتالىقتارىندا، اۋىلداردا دا جەرگىلىكتى كاسىپكەرلەردىڭ قولداۋىمەن جۇرگىزىلۋدە.
دەمەۋشىلەر ەسەبىنەن ارال اۋدانى، توقاباي اۋىلىنداعى اپاتتىق مەكتەپتىڭ ورنىنا قۇنى 500 ملن. تەڭگە بولاتىن مەكتەپ سالىندى.
قىزىلوردانىڭ تۇركىستان وبلىسىمەن شەكاراسىندا كىرەبەرىس قاقپا اشىلدى.
جاقىندا «قازاقستان حالقىنا» قوعامدىق قورى قولداۋىمەن دەنەشىنىقتىرۋ- ساۋىقتىرۋ كەشەنىنىڭ قۇرىلىسى باستالدى.
بيىلعى اسسامبلەيانىڭ 30 جىلدىعى اياسىندا "قازاتومونەركاسىپ" ۇلتتىق اتوم كومپانياسىنىڭ" قولداۋىمەن جاڭادان "دوستىق ءۇيى" بوي كوتەرۋدە.
ءباسپاسوز قىزمەتى