Qarjy piramidanyŋ ūiymdastyruşylary azamattarǧa paiyzsyz bölıp töleu arqyly jyljymaityn mülık pen avtokölık satyp aludy ūsynǧan. Alaida būl mındettemeler tolyq oryndalmaǧan, al mülık tuystary men jaqyndaryna berılgen.

Nätijesınde qarjy piramidasy 8 myŋnan astam salymşyny tartqan, olardyŋ jalpy salǧan qarajaty 21 milliard teŋgeden asqan.

Qylmystyq jolmen alynǧan kırısterdı zaŋdastyru maqsatynda, qarjy piramidanyŋ ūiymdastyruşysy bırneşe deŋgeilı zaŋsyz shema jasaǧan. Ol öz baqylauyndaǧy zaŋdy tūlǧalardy — «Allo, ne kerek» JŞS, «i-m@rketing» JŞS, «Gold SapaPremium» JŞS — paidalanǧan.

Atalǧan kompaniialar jalǧan jetkızuşıler retınde körsetılıp, jarnama qyzmetterı, jyljymaityn mülık pen kölık naryǧyna taldau men boljau jürgızu sekıldı qyzmetterdı oryndaǧan bolyp körıngen.

Osy jalǧan şarttar negızınde 1,8 milliard teŋgeden astam qarajat qolma-qol aqşaǧa ainaldyrylyp, syrtqa şyǧarylǧan.

Qylmystyq kırıster esebınen jeke tūrǧyn üiler, astanada päterler, sondai-aq HUMMER H2 jäne Lexus LX570 markaly qymbat avtokölıkter satyp alynǧan. Būl mülıkter mümkın bolatyn tärkıleuden jasyrynu maqsatynda senımdı adamdardyŋ atyna räsımdelgen.

Sot sanksiiasymen atalǧan mülıkke jäne tūtynu kooperativınıŋ şottaryna tyiym salyndy.

Qarjy piramidanyŋ bas ūiymdastyruşysy qamauǧa alyndy.

Tergeu amaldary jalǧasuda.

QR Qylmystyq ıs jürgızu kodeksınıŋ 201-babyna säikes özge aqparat jariia etuge jatpaidy.