2026 jylǧy 7 säuırde S. Seifullin atyndaǧy Qazaq agrotehnikalyq zertteu universitetınde Qazaqstan Respublikasy Premer-Ministrınıŋ keŋesşısı, memleket jäne qoǧam qairatkerı Eraly Lūqpanūly Toǧjanovpen "Auyl amanaty" jobasynyŋ mümkındıkterıne arnalǧan kezdesu öttı. Is-şaraǧa universitet studentterı, ǧalymdary jäne professor-oqytuşylar qūramy qatysty.

Kezdesudı Basqarma töraǧasy – Rektor, QR ŪǦA akademigı, professor Qanat Tıreuov aşyp, mūndai jüzdesulerdıŋ studentter üşın maŋyzy zor ekenın atap öttı. Ol jastardyŋ özektı memlekettık bastamalarmen tıkelei tanysyp, el damuyna qatysty maŋyzdy mäseleler jönınde jan-jaqty aqparat aluyna mūndai kezdesulerdıŋ ülken mümkındık beretının aitty.

Kezdesu barysynda Eraly Toǧjanov Qazaqstan Respublikasy Prezidentınıŋ auyldy äleumettık-ekonomikalyq tūrǧydan damytuǧa baǧyttalǧan bastamalaryn ıske asyrudyŋ negızgı täsılderı turaly aitty. Äsırese, auyl tūrǧyndarynyŋ tabysyn arttyruǧa, käsıpkerlıktı damytuǧa, jaŋa jūmys oryndaryn aşuǧa jäne auyldyq eldı mekenderde kooperasiiany qoldauǧa baǧyttalǧan «Auyl amanaty» baǧdarlamasyna erekşe nazar audaryldy.

Is-şaranyŋ basty qorytyndysy – Qazaqstan Respublikasy Prezidentınıŋ «Auyl amanaty» bastamasyn ıske asyru boiynşa QazATZU-men bırlesken jūmys tobyn qūru turaly şeşım boldy. Atalǧan jūmys toby universitettıŋ ǧylymi, saraptamalyq jäne bılım beru äleuetın bırıktırıp, auyldyq aumaqtardy qoldau men damytudyŋ tiımdı tetıkterın äzırleuge baǧyttalady.

Kezdesu universitettıŋ studenttık jäne ǧylymi qauymdastyǧy üşın mazmūndy pıkır almasu alaŋyna ainaldy. Is-şara barysynda studentter Eraly Toǧjanovqa özderın tolǧandyrǧan sūraqtaryn qoiyp, auyldy damytu jäne jastardyŋ maŋyzdy bastamalardy ıske asyruǧa qatysu mümkındıkterı jönınde oi bölıstı.