Atalǧan baǧdarlama 2025 jyldyŋ aqpan aiynan bastap ıske asyryluda. Maqsaty — sifrlyq transformasiia jäne jasandy intellekt tehnologiialaryn engızude bılım beru jüiesı basşylarynyŋ strategiialyq oilauyn, köşbasşylyq jäne basqaruşylyq qūzyrettılıkterın damytu.

Baǧdarlama tyŋdauşylary retınde Oqu-aǧartu ministrlıgınıŋ ortalyq apparatynyŋ, öŋırlık basqarmalar men bılım bölımderınıŋ 74 basşysy, sondai-aq elımızdıŋ barlyq öŋırlerınen mektep, balabaqşa jäne kolledj direktorlary qatysty. Atalǧan baǧyt bılım beru jüiesınıŋ negızgı syn-qaterlerıne bıryŋǧai közqaras qalyptastyruǧa jäne praktikalyq basqaruşylyq şeşımder äzırleuge mümkındık berdı.

Baǧdarlama taqyryptary köşbasşylyq qūzyrettılıkterdı damytu, strategiialyq josparlau, TjKB transformasiiasy jäne bılım beruge jasandy intellektını engızu täjıribelerın qamtydy. Sonymen qatar, pedagogikalyq hakaton ötkızılıp, öŋıraralyq komandalar bılım beru sapasyn arttyru jäne jasandy intellektını qoldanu boiynşa praktikalyq jobalar äzırledı.

Baǧdarlama nätijesınde praktik-menedjerlerdıŋ qauymdastyǧy qūrylyp, öŋırlık deŋgeide ıske asyrylatyn jobalar daiyndaldy, sondai-aq oqytu men basqaruda jasandy intellektını sauatty paidalanuǧa arnalǧan ädıstemelık materialdar toptamasy äzırlendı.

Baspasöz qyzmetı