Şarany Sauda jäne integrasiia ministrlıgınıŋ qoldauymen "QazTrade" sauda saiasatyn damytu ortalyǧy" AQ ūiymdastyryp, Qytai halyqaralyq saudany damytu jönındegı keŋesınıŋ Chunsin komitetımen (CCPIT Chongqing) bırlesıp jüzege asyrdy.
Is-şaraǧa Qytai, Tailand, Laos, Vetnam jäne Qazaqstan elderınıŋ 170-ten astam ökılı qatysty. Missiianyŋ negızgı bölıgı — qazaqstandyq azyq-tülık öndıruşıler men Qytai jäne Oŋtüstık -Şyǧys Aziia memleketterınıŋ qauymdastyǧyna müşe elderınıŋ käsıpkerlerı arasyndaǧy ekıjaqty B2B-kezdesuler boldy. Būl kezdesuler barysynda 28 qazaqstandyq kompaniia öz önımderın şeteldık serıktesterge ūsyndy.
"Bız Chunsin qalasyn maŋyzdy sauda serıktesı retınde köremız. Halqynyŋ sany 32 millionnan asady, JIÖ $430 milliardtan joǧary, sifrlyq industriiasy, avtomobil jasau, elektronika, himiia jäne tamaq önerkäsıbı damyǧan Qytaidyŋ jetekşı öndırıstık ortalyǧy bolyp tabylady. Sonymen qatar, būl qala alǧaş ret Astanada tanystyrylǧan «Bır beldeu — bır jol» bastamasynyŋ negızgı toraptarynyŋ bırı. Qazaqstan osy bastamany alǧaşqy künnen bastap qoldap keledı jäne ony ılgerıletuge belsendı qatysuda", - dedı QR Sauda jäne integrasiia ministrı Arman Şaqqaliev.
Ministr sondai-aq Chunsin arqyly Europaǧa baǧyttalǧan basty temırjol marşruttarynyŋ (Chunsin–Duisburg, Chunsin–Mäskeu) ötetının jäne olardyŋ 80%-dan astamy Qazaqstan arqyly tranzitpen jüretının aityp, bırlesken logistikalyq hab qūrudyŋ zor äleuetıne nazar audardy.
"Bız Chunsin kompaniialaryn Qazaqstanda bırlesken öndırıs oryndaryn, logistikalyq ortalyqtar men qaita öŋdeu käsıporyndaryn qūruǧa şaqyramyz. Būl öndırısterden önımder Europaǧa, Reseige, İranǧa jäne Taiau Şyǧys elderıne eksporttalady. Bügın bızdıŋ biznes-delegasiia qūramynda Chunsin naryǧyna şyǧuǧa daiyn ondaǧan qazaqstandyq eksporttauşylar bar", - dep atap öttı ministr.
Missiia aiasynda qazaqstandyq käsıpkerler Chunsin qalasynyŋ ırı käsıporyndary men ekonomikalyq alaŋdaryn aralady. Olardyŋ qatarynda Chongqing Zhou Junji Hot Pot Food Co., Ltd., Chongqing Foreign Trade and Economic Cooperation Group (CFTEC), Quality Chinese Product Trade Center (QCPTC) jäne Chongqing Bonded Port Area Group bar. Būl saparlar Qytai naryǧyna tabysty şyǧu üşın qajettı saqtau, distribusiia, logistika jäne tauarlardy sertifikattau mümkındıkterımen tanysuǧa jol aşty.
Missiia barysynda ekı maŋyzdy kelısımge qol qoiyldy. «QazTrade» pen Chunsin qalasyndaǧy halyqaralyq saudany damytu komitetı arasyndaǧy jäne «QazTrade» pen Chunsindegı ülken logistikalyq ortalyqtyŋ basqaruşy kompaniiasy arasyndaǧy kelısımderge qol jetkızıldı. Būl kelısımder Qazaqstan men Qytai arasyndaǧy saudany damytuǧa kömektesedı jäne qazaqstandyq önımderdıŋ Qytaidyŋ oŋtüstık-batysyndaǧy ırı qoima jäne jetkızu ortalyqtaryna şyǧuyna mümkındık beredı.
Chunsindegı sauda-ekonomikalyq missiia Qazaqstan men Şyǧys jäne Oŋtüstık-Şyǧys Aziia elderı arasyndaǧy sauda qatynastaryn nyǧaitudyŋ maŋyzdy qadamyna ainalyp, qazaqstandyq öndıruşıler üşın halyqaralyq naryqtarda jaŋa mümkındıkterge jol aşty.
Sauda jäne integrasiia ministrlıgı
