Jiynda 2024–2025 jylǧy jylytu mausymynyŋ qorytyndylary şyǧarylyp, 2025–2026 jylǧy mausymǧa daiyndyq barysy saralandy.
2025 jyldyŋ 14 säuırınde jylytu mausymy aiaqtaldy. Mausym barysynda 9 jylu energetika keşenı men 593 avtonomdy qazandyq ştattyq rejimde jūmys ıstedı. Nätijesınde 1 737 äleumettık maŋyzy bar nysan men 1 646 köpqabatty tūrǧyn üige jylu tūraqty jetkızıldı.
Jylytu kezeŋınde avtonomdy qazandyqtarǧa 61,3 myŋ tonna, tūrǧyndarǧa 144,8 myŋ tonna kömır jetkızıldı. Qysqy mausymda qatty otyn tapşylyǧy oryn alǧan joq.
Jylu közderı men injenerlık infraqūrylym jelılerınde 160 tehnologiialyq būzuşylyq tırkelıp, der kezınde qalpyna keltırıldı. Jylu jelılerı gidravlikalyq synaqtan ötkızılıp, anyqtalǧan aqaular jöndeldı.
Jazǧy kezeŋde Taraz qalasyndaǧy 1025 köpqabatty tūrǧyn üidıŋ 921-ıne ystyq su berıldı. Qalǧan 104 üige ystyq su jöndeu jūmystary aiaqtalǧannan keiın berıledı.
2025-2026 jylǧy jylytu mausymyna daiyndyq jūmystary kestege säikes jürgızılude. Qazırgı uaqytta 616 avtonomdy qazandyqta, 1 831 köpqabatty tūrǧyn üi men 1 767 äleumettık nysanda tiıstı jūmystar atqarylyp jatyr.
Öŋırde jalpy ūzyndyǧy 350,7 şaqyrym jylu jelısı bar. Olardyŋ tozu deŋgeiı – 54 paiyz.
Biyl 12,75 şaqyrym jylu jelısın jöndeu josparlanǧan.
Atap aitqanda, Taraz qalasyndaǧy M-1 jylu magistralınıŋ 1,5 şaqyrymy, M-3 jylu jelısınıŋ 0,65 şaqyrymy qaita jaŋǧyrtylyp, 15 şaǧynaudandaǧy jylu jelılerı 0,5 şaqyrymǧa keŋeitılude.
Sondai-aq Jaŋatas qalasynda – 0,9 şaqyrym, Qaratau qalasynda – 2,7 şaqyrym jylu jelısıne jöndeu jūmystary jürgızılude.
Käsıporyndardyŋ investisiialyq baǧdarlamalary aiasynda qosymşa 6,5 şaqyrym jylu jelısıne aǧymdaǧy jäne kürdelı jöndeu jürgızu josparlanǧan.
Jyl soŋyna deiın jylu jelılerınıŋ tozu deŋgeiı 53 paiyzǧa tömendeidı dep kütılude.
2025-2026 jylǧy jylytu mausymyna jalpy 191,2 myŋ tonna kömır qajet. Onyŋ ışınde: äleumettık nysandarǧa – 56,3 myŋ tonna, tūrǧyndarǧa – 134,9 myŋ tonna.
Basqosuda Taraz qalasy men audan äkımderınıŋ, sondai-aq äleumettık salaǧa jauapty basqarma basşylarynyŋ aldaǧy jylytu mausymyna daiyndyq barysy boiynşa esepterı tyŋdaldy.
Erbol Qaraşökeev Taraz qalasynyŋ äkımıne M-1, M-3 jylu magistraldary men 15-şaǧynaudandaǧy jylu jelılerın qaita jaŋǧyrtu jūmystaryn merzımınde aiaqtauǧa erekşe nazar audarudy, būl mäselenı jeke baqylauǧa aludy tapsyrdy. Sondai-aq jöndeu jäne jaŋǧyrtu jūmystary sapaly oryndalyp, tūrǧyndarǧa qolaisyzdyq tuyndatpauy tiıs ekenın atap öttı.
Apparattyq keŋeste oblys äkımınıŋ Moiynqūm audany halqymen kezdesude jäne jeke qabyldauda bergen tapsyrmalarynyŋ oryndalu barysy saralandy.
Keŋes qorytyndysy boiynşa jauapty tūlǧalarǧa jylytu mausymyna daiyndyq şaralaryn tolyq kölemde ıske asyru, äleumettık nysandar men tūrǧyndardy qatty jäne dizel otynymen qamtamasyz etu maqsatynda 1 şıldege deiın tiıstı kelısımşarttar jasasu, sondai-aq berılgen tapsyrmalardy mültıksız oryndau tapsyryldy.
