Is-şaraǧa oblys äkımı jäne prokurory, Bas prokuratura ökılı, auyldyŋ aqsaqaldary men qūrmettı tūrǧyndary qatysty.

Atalǧan mekteptıŋ qūrylysy - Memleket Basşysynyŋ tapsyrmasyna säikes qaitarylǧan kapitaldy halyq igılıgı üşın tiımdı paidalanu aiasynda Ükımetpen maqūldanǧan alǧaşqy äleumettık jobalardyŋ bırı.

Saltanatty räsım barysynda qatysuşylar jergılıktı tūrǧyndardy qūrylys jūmystarynyŋ bastaluymen qūttyqtap, būl mekteptıŋ ıske qosyluy elde jürgızılıp jatqan aktivterdı qaitaru jūmystarynyŋ naqty nätijesın halyq öz közımen köruge mümkındık beretınıne senım bıldırdı.

Jergılıktı aqsaqaldyŋ batasynan keiın qatysuşylar bolaşaq ūrpaqqa arnalǧan uaqyt kapsulasyn saldy.

Aita keteiık, būǧan deiın auylda 1974 jyly salynǧan, qazırgı taŋda apatty jaǧdaida tūrǧan muzykalyq mektep jūmys ıstep kelgen bolatyn.

Qūny 890 mln teŋge tūratyn 300 oquşyǧa arnalǧan jaŋa mektep körşıles auyldardyŋ oquşylaryn da qabyldai alatyn bolady.

Bügınge memleket paidasyna jalpy somasy şamamen 610 mlrd teŋge kölemınde aktivter qaitaryldy, onyŋ ışınde 506 mlrd teŋge – aqşalai qarajat, 103 mlrd teŋge – mülık.

Memleket Basşysynyŋ tapsyrmasyna säikes Ükımet arnaiy memlekettık qordan bılım beru, densaulyq saqtau, sport jäne kommunaldyq infraqūrylymdy jaŋǧyrtu salalarynda 280 äleumettık nysannyŋ qūrylysyn qarjylandyru üşın qarajat böldı.

Atalǧan jobalar eldı mekenderdı damytuǧa baǧyttalǧan keşendı täsıldıŋ bır bölıgı bolyp tabylady jäne ömır süru üşın

qolaily jaǧdailarǧa tıkelei äser etetın maŋyzdy infraqūrylymdy ılgerıletuge serpın beruge arnalǧan.

«Zaŋsyz iemdelgen aktivterdı memleketke qaitaru turaly» Zaŋnyŋ maqsattary men mındetterın ıske asyru «Zaŋ men Tärtıp» qaǧidatyn tiımdı qamtamasyz etumen özara üilesetının atap ötu qajet.

Būl baǧyttaǧy jūmystar jalǧasuda.

Bas prokuraturanyŋ baspasöz qyzmetı