Mätınde bylai delıngen: 

"Ardaqty aǧaiyn! Qūrban ait merekesı qūtty bolsyn! Barşa mūsylman qauym üşın qasiettı sanalatyn būl meiram – imandylyq pen ızgılıktıŋ simvoly. Ait künderı mūqtaj jandarǧa jaqsylyq jasap, kömek körsetu – ata-babalarymyzdan jalǧasyp kele jatqan igı dästür. Asyl dınımız azamattardy bır-bırın qūrmetteuge, jaqyndaryna janaşyr boluǧa ündeidı. Bauyrlastyq pen syilastyqty därıpteidı. Halqymyzdyŋ berekelı bırlıgı osyndai ızgı qūndylyqtardyŋ arqasynda nyǧaia tüsedı. Qūrban ait – yrysty yntymaqtyŋ merekesı. Bız elımızdegı tūraqtylyqtyŋ qadırın bılıp, tatulyqty saqtau arqyly kez-kelgen synnan sürınbei ötıp, biık maqsattarǧa jetemız. Ädılettı, Taza, Qauıpsız ärı Quatty Qazaqstandy bırge qūramyz. Qūrban ait kezınde aitylar dūǧa-tılekter qabyl bolsyn! Är şaŋyraqqa qūt-bereke qonsyn! Aittan aitqa aman-esen jete bereiık!"

t.me/aqorda_resmi