Otyrys barysynda 2025 jylǧa arnalǧan investisiialyq jospar men naryqtyq qarjylandyrudy tartu arqyly pilottyq jobalardy ıske asyru tetıkterı boiynşa ūsynystar qaraldy. Qanat Bozymbaev ūiymdastyruşylyq ırkılısterdıŋ aldyn alu maqsatynda pilottyq jobalardy ıske asyryp jatqan tabiǧi monopoliia subektılerı (TMS) üşın nūsqaulyq äzırleudı tapsyrdy.

Būdan bölek, vise-premer TMS-tıŋ elektrondy satyp alu platformasy men EPC-merdıgerler men jetkızuşılerdı ırıkteu jüiesın jedeldetıp qūrudy jäne salalyq memlekettık organdarǧa qajettı önım kölemderın aiqyndap, ırıkteu kezeŋınde barlyq sybailas jemqorlyq täuekelderın boldyrmaityn tetıkterdı äzırleudı tapsyrdy.

Sonymen qatar Qanat Bozymbaev Smart Turmys bıryŋǧai platformasyn ıske qosu jäne esepke alu aspaptaryna qoiylatyn standarttar men tehnikalyq talaptardy äzırleu üşın jūmys tobyn qūrudy tapsyrdy. Jeke jauapkerşılık önerkäsıp jäne qūrylys vise-ministrı, jūmys tobynyŋ jetekşısı Jännat Dübırovaǧa jükteldı.

Qanat Bozymbaev tiımdı kommunikasiiany qamtamasyz etu maqsatynda investorlar, merdıgerler, otandyq öndıruşıler men TMS üşın call-ortalyqty jäne Ūlttyq jobany tüsındıru üşın energetika jäne kommunaldyq sektorlardy jaŋǧyrtudyŋ resmi saityn ıske qosudy tapsyrdy.

Ūlttyq jobany tiımdı ıske asyru maqsatynda müddelı memlekettık organdar arasynda üilesımdı özara ıs-qimyldy qamtamasyz etu boiynşa jeke jauapkerşılık ūlttyq ekonomika vise-ministrı Asan Darbaevqa jükteldı.

Baspasöz qyzmetı