ناتيجەسىندە 88 ميلليون تەڭگەدەن استام سوما تۇتىنۋشىلارعا قايتارىلدى. بۇل تۋرالى دەپارتامەنت باسشىسى جانات اسانتاەۆ بريفينگتە مالىمدەدى.

جانات اسانتاەۆتىڭ ايتۋىنشا، وتىنىشتەر سانىنىڭ ارتۋى – ازاماتتاردىڭ قۇقىقتىق ساۋاتتىلىعىنىڭ ءوسۋىن جانە ءوز مۇددەلەرىن قورعاۋعا دەگەن دايىندىقتى كورسەتەدى. ەڭ كوپ شاعىمدار ەلەكتروندىق ساۋدا سالاسىنا قاتىستى – 744 ءوتىنىش. ازاماتتار تاۋار سيپاتتاماسىنىڭ شىندىققا ساي كەلمەۋىنە، ساتۋشى تۋرالى اقپاراتتىڭ بولماۋىنا جانە اقشانى قايتارۋداعى قيىندىقتارعا شاعىمدانعان.

شاعىمنان – ناقتى ارەكەتكە

ەكىنشى ورىندا – بولشەك ساۋدا سالاسى (683 جاعداي), مۇندا تۇتىنۋشىلار نەگىزىنەن تاۋاردى قايتارۋدان نەمەسە اۋىستىرۋدان باس تارتۋ ماسەلەسىمەن بەتپە-بەت كەلگەن. ءۇشىنشى ورىندا – تۇرمىستىق قىزمەت كورسەتۋ سالاسى (583 شاعىم), اسىرەسە جيھاز جيناۋ جانە جوندەۋ جۇمىستارىنا قاتىستى. سونىمەن قاتار، تۇرعىن ءۇي-كوممۋنالدىق شارۋاشىلىق، دەنساۋلىق ساقتاۋ، ءبىلىم بەرۋ، تۋريزم جانە قارجىلىق قىزمەت كورسەتۋ سالالارىنان دا شاعىمدار تۇسكەن.

تۇسكەن وتىنىشتەردى قاراۋ ناتيجەسىندە دەپارتامەنت 15 جوسپاردان تىس تەكسەرۋ جۇرگىزىپ، ونىڭ 12-سىندە زاڭ بۇزۋشىلىقتار انىقتالعان. كاسىپكەرلەردىڭ ءبىر بولىگىنە ايىپپۇل سالىنىپ، ءبىر بولىگى ەسكەرتۋ تۇرىندە اكىمشىلىك جاۋاپكەرشىلىككە تارتىلدى.

«ساپالى ءونىم»: قوعامدىق باقىلاۋ ءىس جۇزىندە

تۇتىنۋشىلاردىڭ قۇقىقتارىن قورعاۋ سالاسىنداعى ءتيىمدى باستامالاردىڭ ءبىرى – «ساپالى ءونىم» جوباسى بولدى. بۇل جوبانى قازاقستان رەسپۋبليكاسى ساۋدا جانە ينتەگراتسيا مينيسترلىگى ىسكە قوسقان. ونىڭ ماقساتى – ساپاسىز جانە قاۋىپتى تاۋارلاردى نارىقتان شىعارۋ، وتاندىق وندىرۋشىلەردى قولداۋ جانە ادال باسەكەلەستىكتى دامىتۋ.

اتالعان جوبا اياسىندا قاراعاندى وبلىسىندا 46 ءتۇرلى ازىق-تۇلىك ءونىمى زەرتحانالىق سىناقتان وتكىزىلدى. تالداۋ ناتيجەسىندە 22 جاعدايدا سايكەسسىزدىك انىقتالدى، ونىڭ ىشىندە تاڭبالاۋ مەن ءونىم قۇرامىنا قاتىستى بۇزۋشىلىقتار بار. انىقتالعان فاكتىلەر بويىنشا ماتەريالدار ءتيىستى شارالار قابىلداۋ ءۇشىن ۋاكىلەتتى ورگاندارعا جولداندى.

جانات اسانتاەۆ تۇتىنۋشىلاردىڭ قۇقىقتارىن قورعاۋ باعىتىنداعى جۇمىس جالعاسا بەرەتىنىن اتاپ ءوتتى. الداعى جوسپارلار قاتارىندا – حالىقپەن اقپاراتتىق-ءتۇسىندىرۋ جۇمىستارىن كۇشەيتۋ، «ساپالى ءونىم» جوباسىن ءارى قاراي دامىتۋ جانە قوعامدىق باقىلاۋ تەتىكتەرىن كەڭەيتۋ بار.

«ءبىزدىڭ ماقسات – وڭىردە ءار تۇتىنۋشىنىڭ قۇقىعى قورعالاتىن قاۋىپسىز ءارى ءادىل ساۋدا كەڭىستىگىن قالىپتاستىرۋ»، – دەدى دەپارتامەنت باسشىسى.

ءباسپاسوز قىزمەتى