گاز تۋربيناسى – تۇركىستان وبلىسى سايرام اۋدانىندا سالىنىپ جاتقان قۋاتتىلىعى 1000 مۆت-قا دەيىن جەتەتىن بۋ-گاز ەلەكتر ستانتسياسىنىڭ نەگىزگى جابدىعى بولىپ تابىلادى. بۇگىندە بۇل نىسان – قازاقستاننىڭ وڭتۇستىگىندەگى ەڭ ءىرى ونەركاسىپتىك قۇرىلىس جوباسى. ەلەكتر ستانتسياسىنىڭ جالپى اۋماعى شامامەن 60 گەكتاردى قۇرايدى.
گاز تۋربيناسى مەن ونىڭ قۇرامداس بولشەكتەرى وتكەن جىلدىڭ جەلتوقسان ايىندا گەرمانيادان جونەلتىلدى. جالپى ۇزىندىعى 18 000 شاقىرىمنان اساتىن جول گامبۋرگ پورتىنان قىتايدىڭ تيانتسزين پورتىنا دەيىنگى تەڭىز تاسىمالىن جانە قىتاي اۋماعى ارقىلى قازاقستانعا قۇرلىقپەن جەتكىزۋدى قامتىدى.
«گاز تۋربيناسى – بۋ-گاز قوندىرعىسىنىڭ نەگىزگى قۇرامداس بولىكتەرىنىڭ ءبىرى، ونىڭ تاسىمال سالماعى شامامەن 204 توننانى قۇرايدى. وسىعان بايلانىستى جابدىقتى تاسىمالداۋ ءۇشىن ءىرى گاباريتتى جۇكتەرگە ارنالعان ارنايى مودۋلدىك ترالدار پايدالانىلدى. «جالپى قۋاتتىلىعى 1000 مۆت-قا دەيىن جەتەتىن، ەلەكتر ەنەرگياسىن مانەۆرلىك رەجيمدە وندىرەتىن بۋ-گاز قوندىرعىسى بازاسىنداعى ەلەكتر ستانتسياسىنىڭ قۇرىلىسى جوباسى – ءوڭىردىڭ ەنەرگەتيكالىق ينفراقۇرىلىمىن دامىتۋ جولىنداعى ماڭىزدى قادام بولىپ سانالادى. سەرىكتەستىك اتالعان جوبانى ءساتتى جۇزەگە اسىرۋ ءۇشىن بار كۇش-جىگەرىن سالۋدا»»، – دەپ اتاپ ءوتتى «بگق تۇركىستان» جشس وندىرىستىك-تەحنيكالىق دەپارتامەنتىنىڭ ديرەكتورى سەرىك ۇسەنوۆ.
ەسكە سالا كەتەيىك، قازاقستان رەسپۋبليكاسى پرەزيدەنتى قاسىم-جومارت توقاەۆتىڭ تاپسىرماسى بويىنشا ەلىمىزدىڭ وڭتۇستىك وڭىرلەرىندە ەلەكتر ەنەرگەتيكاسى سالاسىندا بىرقاتار ينۆەستيتسيالىق جوبالار ىسكە اسىرىلىپ جاتىر. سولاردىڭ ەڭ ءىرىسى – «بگق تۇركىستان» جشس-ءنىڭ جوباسى، ياعني تۇركىستان وبلىسىندا قۋاتتىلىعى 1000 مۆت-قا دەيىن جەتەتىن بۋ-گاز قوندىرعىسى بازاسىنداعى ەلەكتر ستانتسياسىنىڭ قۇرىلىسى. جوبانىڭ نەگىزگى ماقساتى – ەكونوميكالىق ءوسىم الەۋەتى جوعارى وڭتۇستىك وڭىرلەردەگى ەلەكتر ەنەرگياسى تاپشىلىعىن ازايتۋ.
بۇدان بولەك، ەلەكتر ستانتسياسىنىڭ قۇرىلىسى جاڭا جۇمىس ورىندارىن اشۋ جانە شاعىن مەن ورتا بيزنەس سۋبەكتىلەرىن تارتۋ ارقىلى ءوڭىردىڭ الەۋمەتتىك-ەكونوميكالىق دامۋىنا وڭ اسەرىن تيگىزەدى. جوبانى ىسكە اسىرۋ مەرزىمى – 2024–2027 جىلدار.
اتالعان جوبا قر ەنەرگەتيكا مينيسترلىگى ازىرلەگەن قازاقستان رەسپۋبليكاسىنىڭ ەلەكتر ەنەرگەتيكاسى سالاسىن دامىتۋ جونىندەگى ءىس-شارالار جوسپارىنا ەنگىزىلگەن. بۇل جوسپارعا سايكەس، 2035 جىلعا دەيىن ەلىمىزدە 26 گۆت جاڭا گەنەراتسيالاۋ قۋاتتارى ىسكە قوسىلادى دەپ جوسپارلانۋدا.
«بگق تۇركىستان» ءباسپاسوز قىزمەتتى
8 747 208 08 21
