e-License پورتالىندا ءبىلىم بەرۋ قىزمەتىن ليتسەنزيالاۋ پروتسەسى جاڭارتىلدى. ەندى ءبىلىم بەرۋ مەكەمەلەرى ءۇشىن ليتسەنزيا الۋ جانە قايتا رەسىمدەۋ قىزمەتتەرى ءبىلىم دەڭگەيلەرى بويىنشا ءبولىندى. بۇل پروتسەدۋرانى ىڭعايلى ەتىپ، ءوتىنىم بەرۋ كەزىندەگى قاتەلىكتەردى ازايتۋعا جانە قاراۋ مەرزىمىن جەدەلدەتۋگە مۇمكىندىك بەردى.

بۇرىن بۇل قىزمەت مەكتەپتەردەن باستاپ جوعارى وقۋ ورىندارىنا دەيىنگى بارلىق ءبىلىم دەڭگەيلەرى ءۇشىن بىرىڭعاي بولاتىن. ەندى ليتسەنزيالاۋ ەكى بولەك قىزمەتكە ءبولىندى: ءبىلىم مينيسترلىگىنە قاراستى ۇيىمدار ءۇشىن جانە عىلىم جانە جوعارى ءبىلىم مينيسترلىگىنە قاراستى جوعارى جانە جوعارى وقۋ ورنىنان كەيىنگى ءبىلىم بەرۋ مەكەمەلەرى ءۇشىن. بۇل ءوتىنىم بەرۋ پروتسەسىن جەڭىلدەتىپ، ونى تۇسىنىكتى ەتەدى.

ءبىلىم بەرۋ قىزمەتىنە ليتسەنزيا – بۇل ۇيىمنىڭ زاڭ تالاپتارىنا سايكەس ءبىلىم بەرۋ قىزمەتىن جۇزەگە اسىرۋ قۇقىعىن راستايتىن رەسمي قۇجات. ول بارلىق ءبىلىم بەرۋ مەكەمەلەرىنە قاجەت جانە ولاردىڭ رەسمي تىركەلۋى ءۇشىن تالاپ ەتىلەدى.

قىزمەتتى پايدالانۋ ءۇشىن:

kz پورتالىندا اۆتوريزاتسيادان ءوتىپ، «ءبىلىم» بولىمىنە ءوتۋ قاجەت;

«جوعارى جانە جوعارى وقۋ ورنىنان كەيىنگى ءبىلىم بەرۋ سالاسىنداعى ءبىلىم بەرۋ قىزمەتى» نەمەسە «باستاۋىش، نەگىزگى ورتا، جالپى ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ، ءدىني ءبىلىم بەرۋ، كامەلەتكە تولماعاندارعا ءبىلىم بەرۋ - ساۋىقتىرۋ قىزمەتتەرى سالاسىندا ءبىلىم بەرۋ قىزمەتى» قىزمەتىن تاڭداۋ كەرەك;

قىزمەت پاسپورتىمەن تانىسىپ، قاجەتتى قۇجاتتار تىزىمىمەن تانىسۋ قاجەت;

«قىزمەتكە ونلاين تاپسىرىس بەرۋ» باتىرماسىن باسۋ كەرەك;

قاجەتتى قىزمەت ءتۇرىن تاڭداپ، «ءارى قاراي» باتىرماسىن باسۋ كەرەك;

ەلەكتروندىق تسيفرلىق قولتاڭبا (ەتسق) ارقىلى وتىنىمگە قول قويۋ قاجەت.

مەكتەپتەر مەن كوللەدجدەردى قوسا العاندا، كوپتەگەن ءبىلىم بەرۋ مەكەمەلەرى ءۇشىن ليتسەنزيالار مەن ولاردىڭ قوسىمشالارى مەرزىمسىز بەرىلەدى. ال جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى ءۇشىن ليتسەنزيا مەرزىمسىز ساقتالادى، بىراق ونىڭ قوسىمشالارى بەس جىلعا بەرىلەدى.

ليتسەنزيا الۋ پروتسەسى 30 جۇمىس كۇنىنە دەيىن سوزىلۋى مۇمكىن، ال ليتسەنزيانى قايتا رەسىمدەۋ ءۇش جۇمىس كۇنى ىشىندە جۇزەگە اسىرىلادى. بەلگىلى ءبىر زاڭنامادا قاراستىرىلعان جاعدايلاردا قايتا رەسىمدەۋ مەرزىمى 20 جۇمىس كۇنىنە دەيىن ۇزارۋى مۇمكىن. قىزمەتتەردىڭ قۇنى بەكىتىلگەن: ليتسەنزيا الۋ ءۇشىن 10 ايلىق ەسەپتىك كورسەتكىش (اەك) مولشەرىندە، ال قايتا رەسىمدەۋ ءۇشىن – 1 اەك مولشەرىندە مەملەكەتتىك باج الىنادى.

ايتا كەتۋ كەرەك، 2024 جىلى قازاقستاندا 3038 ءبىلىم بەرۋ ليتسەنزياسى بەرىلدى. ەڭ كوپ ليتسەنزيا تەحنيكالىق جانە كاسىپتىك ءبىلىم بەرۋ ۇيىمدارىنا بەرىلدى – 1126 ليتسەنزيا.

جاڭارتىلعان قىزمەت قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى، «ۇلتتىق اقپاراتتىق تەحنولوگيالار» اق، قر وقۋ-اعارتۋ مينيسترلىگى جانە قر عىلىم جانە جوعارى ءبىلىم مينيسترلىگىمەن بىرلەسىپ جۇزەگە اسىرىلدى.