سۇقباتتىڭ نەگىزگى تەزيستىك ماتىندەرىندە بىلاي دەلىنگەن: 

"... مەملەكەت باسشىسى قاسىم-جومارت توقاەۆتىڭ اسسامبلەيانىڭ ايماقتارداعى جۇمىستارىن جانداندىرۋ كەرەك دەگەن تاپسىرماسى وتە ماڭىزدى. نەگە دەسەڭىز، ناقتى ءومىر ايماقتا. ول - ءبىزدىڭ اۋىلداردا، اۋدانداردا. ءاربىر جەرگىلىكتى اكىمدەر كۇندەلىكتى قوعامدىق ماسەلەلەرمەن ءجىتى تانىس بولۋى كەرەك. تۇسىندىرمە جۇمىستارىن جۇرگىزۋ قاجەت. ناقتى كوتەرىلگەن سۇراقتاردىڭ شەشىمدەرى شىعۋى كەرەك. ونىڭ ىشىندە اۋىلدىڭ سۇراقتارى، الەۋمەتتىك ماسەلەلەر ت.س. كەشەگى تاسقىننىڭ سۇراقتارى بار سولاردىڭ بارلىعى الدىمەن جەرگىلىكتى جەردە  تالقىلانۋى قاجەت "

"... بىردە - ءبىر سۇراق ەتنوسارالىق قاقتىعىستىڭ ماسەلەسىنە بارعان جوق. سەبەبى، اسسامبەلياداعى كۇندەلىكتى جۇمىستار مەن حالىقپەن قويان-قولتىق جاسالعان شارۋالاردىڭ ارقاسىندا، ءاربىر ەتنوسپەن تىعىز قارىم-قاتىناستىڭ ناتيجەسىندە تۇراقتىلىق پەن بىرلىك فورمۋلاسى ساقتالدى. تۇراقتىلىق نەگىزى - ول بىرلىك. بىرلىگى بەكەم ەلدىڭ تاۋەلسىزدىگى باياندى بولماق. مۇنىڭ ءبارى تۇبىندە سەنىمگە اپاراتىن دۇنيە. ال، سەنىم - بۇل بىرلىككە اپارادى."

"... اسسامبلەيا باسشىلىعىندا بولعان كەزدەرى جۇمىس ساپارىمەن 56 ەلدە بولدىم. اقش - قا دەيىن باردىق. كەزىندە كوفي اننان "... اسسامبلەيا- كىشى بۇۇ" دەپ اتاپ وتكەن بولاتىن. بۇل ەندى حالىقارالىق دەڭگەيدە مويىندالعان مودەل دەپ ايتۋعا تولىق نەگىز بار. بۇنى تاريحتىڭ ءوزى دالەلدەدى"

"... 1 - ناۋرىز العىس ايتۋ كۇنى. اسسامبلەيانىڭ تۋعان كۇنى. وسى كۇندى ارنايى ەنگىزدىك. بۇكىل قازاقستاندا تۇراتىن ەتنوستاردىڭ وكىلدەرى قيىن-قىستاۋ كەزدەردە قازاق حالقى قولداپ، قورعاعانى ءۇشىن ارنايى قازاق حالقىنا مىڭ العىس دەگەن ەسكەرتكىش قويىلعان بولاتىن. ول شارا الماتى وبلىسىندا باستالىپ، كەيىن بۇكىل ەلدە اتالىپ ءوتىلدى. قازاقتاردا وسى ءداستۇردى ورايلى جالعاستىرىپ، اناعا، اكەگە، وتباسىعا، باۋىرعا العىس دەپ بۇگىنگە دەيىن اتاپ وتۋدە. بىرلىككە ات سالىسقان بارلىق قازاقستاندىقتارعا بۇگىن العىس ايتقىم كەلەدى. دەنىمىز ساۋ بولسىن. باسىمىز امان بولسىن! حالقىمىز بىرلىكتە بولسىن!" 

سۇقباتتىڭ تولىق نۇسقاسى سىلتەمەدە   https://www.youtube.com/watch?v=kbr4JSWJHyg