"Matic Basket" قارجى پيراميداسىنىڭ قىزمەتى توقتاتىلدى: 1900 - دەن استام جابىرلەنۋشى

قما الماتى قالاسى بويىنشا دەپارتامەنتى "Matic Basket" قارجى پيراميداسىنىڭ قىزمەتىن توقتاتتى.

ۇيىمداستىرۋشىلار وزدەرىن «YouTube»، «WhatsApp» جانە «Telegram» الەۋمەتتىك جەلىلەرى ارقىلى جارنامالاپ، ازاماتتاردى «Matic Basket» جوباسىنا اقشا سالۋعا شاقىرعان. ولار كريپتوۆاليۋتا بيرجاسىندا ماينينگ پەن ترەيدينگ ارقىلى جوعارى پايدا ۋادە ەتكەن.

سالىمشىلاردىڭ سالعان اقشالارى 5 000 تەڭگەدەن 1 100 اقش دوللارىنا دەيىن جەتكەن.

الايدا سالىمشىلارعا اقشا سالعانىن راستايتىن ەشقانداي قۇجات بەرىلمەگەن، ءارى ولارمەن كەلىسىمشارت نەمەسە رەسمي كەلىسىمدەر جاسالماعان.

جاڭا قاتىسۋشىنى تارتقان جاعدايدا ءاربىر قارجىلىق وپەراتسيادان 10% كولەمىندە كىرىس تۇسەتىنى ايتىلعان.

ناتيجەسىندە قارجى پيراميداسىنا قازاقستان مەن تمد ەلدەرىنىڭ 1900-دەن استام ازاماتى تارتىلىپ، جالپى سوماسى 80 ملن تەڭگەدەن استام قاراجات سالىنعان.

كۇدىكتىگە قاتىستى بۇلتارتپاۋ شاراسى رەتىندە ەلدەن شىعۋعا تىيىم سالىندى.

تەرگەۋ امالدارى جالعاسۋدا.

قر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريالاۋعا جاتپايدى.

قر قما ءباسپاسوز قىزمەتى

ءبولىسۋ
وقي وتىرىڭىز